بين عهد إلياس أبو صعب وعهد شهيّب....

12 01:29:46 حزيران 2019 بتوقيت بيروت - شاهده 63
بين عهد إلياس أبو صعب وعهد شهيّب....

نشرت السيدة مريم بلال على صفتحها التالي:

البوست طويل ولكنه مهم 
يلي صار مع تلاميذ البريفيه ليوم صار معي من ٣ سنين بس كان وقتها الياس ابو صعب هو وزير التربية بالرغم اذا منختلف معو بمواقف أو لا بس رح خبر يلي صار وكيف تصرف حتى تقارنوا بين شخصين وكيف ناس بتحكم ضميرها وعقلها وناس قلبها حاقد اسود متل وزير التربية الحالي
من ٣ سنوات قبل يومين اكتشفنا انو بطاقة وإخراج قيد ابني احمد فيهن غلط.. اول غلطة من المختار.. تاني غلطة من مدير المدرسة وتالت غلطة من الوزارة.
ابني مواليد بيروت ٢٠٠١ اسم امه مريم بلال وابوه موسى طلع إخراج القيد مواليد أوتوا-كندا سنة ١٩٩٨ يعني كان عمرو شي ١٨ حسب الاخراج القيد الغلط ما حدا انتبه للعمر واسم الام ندى يعني غلطة 3D
المهم نزلت على الوزارة وطلبو إخراج قيد تاني وبعد معجزة طلع إخراج القيد كمان في غلط بالسجل. هون رحت على وزارة التربية عند المدير العام وخبرتو يلي صار بيقلي هلق الأوراق رح تبعتهم عند مدعي عام بيروت لانو في اخراجات قيد مزورة. مع انو عملت معاملات إدارية كمان بمعجزة وكان في كتير موظفين ساعدوني. المهم انو نهارها مدير عام الوزارة (ف-ي) قلي معليش بيقدم بالدورة التانية لانو ليوم السبت وبكرا احد والثلاثاء الإمتحانات وما رح نلحق نعمل شي.
مواقع التواصل صارت قوة ضاربة بكتير امور.. لجات الها وحطيت مشكلتي يلي نفاقمت وعملت اعتصام وحدي بالوزارة حتى وصل الخبر للوزير الياس ابو صعب وقتها بيدقولي مكتب الوزير وبيقولي طالبك الوزير بدو يحكي معك. رحت وخبرتو كل يلي صار سألني سؤال واحد وين كان ابنك قبل. خبرتو.. قال السكرتيرة انزلي على الأرشيف جيبي نسخة عن سجل هيدي المدرسة واكيد في اخراجات قيد للتلاميذ فيها.
جابت إخراج القيد من سنتين وساعتها أعطاني استثناء بخط يده انو يقدم ابني امتحان بناءً على الباسبور مش الهوية أو إخراج القيد لانو الوحيد يلي كان صح بوقتها. وبعت فاكس للمركز يلي ابني رح يقدم فيه حتى مدير المدرسة ما يعملنا بالرز بصل نهار الامتحان. واحلى من هول كلهن هيدا الموقف.. قلهم طلبولي مدير المدرسة.. طلبوه وقلو ادامي حساب المدرسة بس تخلص امتحانات.. واخر شي قلي شو بدك وبطريقة مزح قلتلو سلفي.
ويلي رح تستغربوه اكتر يلي رح خبركن ياه هلق. قلتلو معالي الوزير بقدر خبرك انو في شي ١٠٠ شخص تحت عندهم اغلاط بسيطة ورح ينحرموا التلاميذ من الإمتحانات طلع فيي وقلي امشي.. ترك كل شي في زوار بمكتبو ورافاقني لتحت تخبرو وين هالناس عندها مشكلة فات وقلن للموظفين اعطوا كل التلاميذ بطاقات الترشح ومنبقى نحل كل هالمشاكل وهيك صار وصارت الناس تدعيلوا وتبكي ومنهم انا لانو فعلا موقف شجاع وانساني.. ونجح ابني ويمكن كان سقط لو عمل دورة تانية لانو نفسية الطالب بتكون منهارة عالاخر وبهيك حالات كل وزير عندو استثناءات وبيقدر يركب طربوش محل التاني فااااا ما بتذاكى كتير حضرة الفطحل وزير التربية الحالي.
بتحب #الياس_بو_صعب أو لا
كان وزير ملوة هدومو (بالمصري)
#اكرم_شهيب ساقط ساقط ساقط